டாக்டர் ப. சுப்பராயன்

பரமசிவன் சுப்பராயன் (11 செப்டம்பர் 1889 – 6 அக்டோபர் 1962) சேலம் மாவட்டம் குமாரமங்கலத்தில் பிறந்தார்; மாநிலக் கல்லூரி, டப்ளின் டிரினிட்டி கல்லூரி, லண்டன் பல்கலைக்கழகம், ஆக்ஸ்போர்டு கிறைஸ்ட் சர்ச் ஆகியவற்றில் பயின்றார். 1922-இல் சென்னை சட்டமன்றத்துக்கு நியமிக்கப்பட்டார்.

கட்சி உறுப்பினராக அல்ல, பின்னணிக்காகவே அவரை இங்கு சேர்த்துள்ளோம். 1926 தேர்தலில் சுயராஜ்யக் கட்சி வென்றும் ஆட்சியேற்க மறுத்து, நீதிக் கட்சியும் மறுத்தபோது, ஆளுநர் கட்சி சாராத உறுப்பினரான சுப்பராயனை முதன்மை அமைச்சராக நியமித்தார். 1926 டிசம்பர் 4 முதல் 1930 அக்டோபர் 27 வரை பதவி வகித்தார். நீதிக் கட்சி முதலில் அவரது அமைச்சரவையை எதிர்த்து 1927-இல் தோல்வியுற்ற நம்பிக்கையில்லாத் தீர்மானம் கொண்டுவந்தது; பின்னர் ஆதரித்தது.

1933-இல் காங்கிரஸில் சேர்ந்த சுப்பராயன் ராஜாஜி அமைச்சரவையில் பணியாற்றினார்; வெள்ளையனே வெளியேறு இயக்கத்தில் சிறை சென்றார்; விடுதலைக்குப் பின் இந்தோனேசியத் தூதராகவும், ஒன்றியப் போக்குவரத்து, தகவல் தொடர்பு அமைச்சராகவும், மறையும்போது மகாராஷ்டிர ஆளுநராகவும் இருந்தார்.